ANONS KOMINOTÈ

(cliquer ici pour la version en français)
Jodi samdi 21 fevriye 2015 lan se Jounen Entènasyonal lang matènèl. Se LINESCO ki te pran desizyon sa a nan lane 1999 dekwa pou 7000 lang ki gen sou latè beni an rete byen vivan. Ane sa a, tankou Ofis Entènasyonal Frankofoni ak LINESKO mande li a, n ap selebre Jounen an ak yon gwo tèm : «Edikasyon pou tout moun nan lang yo epi avèk lang yo».

Tèm nan byen tonbe, dapre noumenm, paske nou konnen anpil moun yo kite dèyè bann nan, yo meprize nan pwòp peyi yo poutèt yo pa ka jwenn edikasyon epi lè yo gen chans jwenn li a, se nan fo mamit, li pa fèt nan lang yo.

Pou fini, nan kout kat sa a, nou ta renmen di tout Ayisyen, alawonnbadè, lang kreyòl la se pa nou. Se mak fabrik idantite nou kòm pèp. Se nan lide sa a, Sant N A Rive envite nou li, nan enfolèt li ap fè parèt nan fen mwa fevriye, prezantasyon Akademi kreyòl ayisyen an Dr Joseph Sauveur Joseph, manm Akademi an ekri pou nou.

Jounen Entènasyonal Lang Matènèl

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

%d blogueurs aiment cette page :